ශ්‍රී ලංකාවට ජාත්‍යන්තර මූල්‍ය අරමුදල විසින් ලබා දෙන විස්තීර්ණ ණය සඳහා වන කාලවකවානුව ඉදිරි දින කිහිපය ඇතුළත ප්‍රකාශයට පත්කරන බව ජාත්‍යන්තර මූල්‍ය අරමුදල ප්‍රකාශ කරයි.
එම අරමුදලේ ආසියා පැසිෆික් දෙපාර්තමේන්තුවේ අධ්‍යක්ෂ ක්‍රිෂ්ණා ශ්‍රී නිවාසන් මහතා ප්‍රමුඛ ඉහළ පෙළේ කණ්ඩායමක් මේ වනවිට ශ්‍රී ලංකාවේ සංචාරයක නිරතව සිටි. ශ්‍රී ලංකා ජනාධිපතිවරයා සහ ඔහුගේ නව ආර්ථික කණ්ඩායම සමඟ නවතම ආර්ථික වර්ධනයන් සහ ඔවුන්ගේ ආර්ථික ප්‍රතිසංස්කරණ අරමුණ ගැන සාකච්ඡා කරන බව ජාත්‍යන්තර මූල්‍ය අරමුදලේ සන්නිවේදන දෙපාර්තමේන්තුවේ අධ්‍යක්ෂ ජුලී කොසැක් මහත්මිය පවසයි.
IMF විධායක මණ්ඩලය ශ්‍රී ලංකාව සමඟ විස්තීර්ණ ණය වැඩසටහන යටතේ 2024 වගන්තිය IV උපදේශනය සහ දෙවන සමාලෝචනය සම්පූර්ණ කරන අතර එහි ආර්ථික ප්‍රතිපත්ති සහ ප්‍රතිසංස්කරණ සඳහා සහාය වීම සඳහා රටට ඩොලර් මිලියන 336ක පමණ ක්ෂණික ප්‍රවේශයක් ලබාදී තිබේ.
වැඩසටහනේ කාර්ය සාධනය ශක්තිමත් බවත්, ආර්ථික වර්ධනය පුනර්ජීවනය කිරීම, උද්ධමනය අඩු කිරීම, සංචිත ඉහළ නැංවීම සහ ආදායම් ඒකරාශී කිරීම වැඩිදියුණු කිරීම සම්බන්ධයෙන් ප්‍රතිසංස්කරණ ප්‍රයත්නයන් ඵල දරන බව ඇය සඳහන් කලාය.
කෙසේ වෙතත්, වැදගත් දුර්වලතා සහ අවිනිශ්චිතතාවයන් පවතින අතර, මෙයින් අදහස් කරන්නේ ප්‍රතිසංස්කරණ ගම්‍යතාවය පවත්වා ගැනීම ඉතා වැදගත් බවද ඇය වැඩිදුරටත් පවසා ඇත.
