නවතම PYGMY සත්වෝද්‍යානයක් සාජා හි විවෘත කර ඇති අතර, පවුල් සහ සත්ව ලෝලීන්ට දුර්ලභ කුඩා සතුන් නැරඹීමට අවස්ථාවක් ගෙන එයි. එහි අජ්මාන් ශාඛාවේ සාර්ථකත්වයට පසුව, සත්වෝද්‍යානය සාජා හි අල් සජා පශු වෙළඳපොළ දක්වා ව්‍යාප්ත වී ඇති අතර, සියලු වයස්වල සංචාරකයින් සඳහා අද්විතීය අත්දැකීමක් ලබා දෙයි.
සහනදායී ප්‍රවේශ පත් සහිත PYGMY සත්වෝද්‍යානය ඉක්මණින් ජනප්‍රිය ස්ථානයක් බවට පත් වනු ඇත. ඉතා කුඩා ඔටුවන්, කුඩා අශ්වයන්, ඇල්බිනෝ කැන්ගරු සහ තවත් බොහෝ ආකර්ෂණීය සත්ත්ව විශේෂ දැක ගැනීමට ඉඩ සලසයි.
PYGMY සත්වෝද්‍යානය එමීර් රාජ්‍යයේ වෙනත් සත්වෝද්‍යාන මෙන් නොවේ. එය විවිධ විශේෂ සත්ත්ව වර්ග රැසකට නිවහනක් වේ. සතුන් සහ සංචාරකයින් යන දෙඅංශයටම සුවපහසු සහ ආකර්ෂණීය පරිසරයක් සැපයීම සඳහා හොඳින් සැලසුම් කරන ලද කලාප මෙහි පිහිටා තිබේ.
මෙම සත්වෝද්‍යානය අද්විතීය හා විදේශීය සතුන්ට ආදරය කරන අයට පාරාදීසයකි. පිග්මි සත්වෝද්‍යානයේ ඇති දුර්ලභ ජීවීන් අතරට ඇල්බිනෝ කැන්ගරුවන්, කුඩා ඔටුවන්, කුඩා අශ්වයන්, විදේශීය පක්ෂීන් සහ මීයන් ඇතුලත් වේ.
සංචාරකයින්ට සතුන් පෝෂණය කිරීමට, ඡායාරූප ගැනීමට අවස්ථාව ලබා දේ. ඇතුල්වීමේ ප්‍රවේශ පත් මිල වැඩිහිටියන් සඳහා ඩිරාම් 20 ක් හා දරුවන් සඳහා ඩිරාම් 15 ක් වේ. කුඩා දරුවන් (අවුරුදු 2 ට අඩු) නොමිලේ ප්‍රවේශය හිමි වේ.
සඳුදා සිට බ්‍රහස්පතින්දා සහ සෙනසුරාදා , ඉරිදා දින වලදී පෙ.ව. 10 – ප.ව 10 දක්වාද ,සිකුරාදා දිනවල ප.ව. 2 සිට ප.ව. 11 දක්වාද නැරඹීමේ වේලාවන් වෙන් කර ඇත.
