බණ්ඩාරනායක ජාත්‍යන්තර ගුවන් තොටුපළේ (BIA) එමිරේට්ස් විවේකාගාරයේ (Emirates lounge) සාම්ප්‍රදායික දේශීය ප්‍රණීත ආහාර ලබා දෙමින් ශ්‍රී ලංකාවේ 75 වැනි නිදහස් සංවත්සරය සැමරීම සඳහා ශ්‍රී ලාංකිකයන් සමඟ එක්වුනා.
පෙබරවාරි 4 වන දින, එමිරේට්ස් හි පළමු සහ ව්‍යාපාරික පන්තියේ මගීන්ට සහ ස්කයිවර්ඩ්ස් ගෝල්ඩ් සාමාජිකයින්ට පැමිණීමේ පර්යන්තයේ දෙවන මහලේ පිහිටා ඇති විශේෂිත Emirates lounge වෙත පැමිණෙන්නන් සඳහා උදේ ආහාරය උණුසුම් ආහාර මෙනුවකින් තෝරා ගැනීමට අවස්ථාව සලසා දී තිබුණා.
Emirates loungeහි පුළුල් උදෑසන ආහාර මෙනුවට, ලැවරියා, හැලප සහ වැලි තලප ඇතුළු ජනප්‍රිය ශ්‍රී ලාංකීය රසකැවිලි අන්තර්ගත වුනා. මීට අතිරේකව රාත්‍රී භෝජන සංග්‍රහයට නියම දේශීය ආහාරවල රසය එක්කොට තිබූ අතර උණුසුම් ආහාර විකල්ප ලෙස කහබත්, බටු මෝජු, මාළු ඇඹුල් තියල්, කොස් වෑංජනය, කජු, මුංඇට වෑංජනය ඇතුලු සාම්ප්‍රදායික ශ්‍රී ලංකා උත්සව මෙනුව සමඟ පුළුල් කොට තිබුනා. මෙම අවස්ථාව සනිටුහන් කිරීම සඳහා විශේෂ මෙනුවෙහි සංචාරකයින්ට රස විඳීමට උළුඳු වඩ සහ පරිප්පු වඩ වැනි රසවත් ෆ්‍රිටර් සංග්‍රහද ඇතුළත්ව තිබුණා.
බණ්ඩාරනායක ජාත්‍යන්තර ගුවන් තොටුපලෙහි වර්ග අඩි 5,651 පුරා විහිදුන Emirates lounge හි මගීන් 118 දෙනෙකුට දක්වා නවාතැන් ගත හැකි අතර, සංචාරකයින්ට ඔවුන්ගේ සංචාරයට පෙර විනෝද වීමට සුවපහසු සහ විවේකී පසුබිමක් සපයයි. සැප පහසු ආසන, ඉඩකඩ සහිත භෝජනාගාරය, ව්‍යාපාරික මධ්‍යස්ථානයක් සහිත Emirates lounge මගීන්ගේ පහසුව සඳහා කැප වූ යාඥා කාමරයක් හා නානකාමර වලින් ද සමන්විත වෙනවා.
එමිරේට්ස් 1986 දී ශ්‍රී ලංකාවට මෙහෙයුම් ආරම්භ කළ අතර දැනට සතියකට කොළඹට සහ ඉන් පිටතට ගුවන් ගමන් 21ක් ක්‍රියාත්මක කරන අතර දෛනික කාලසටහනක් සමඟ ඩුබායි වෙත සෘජු ගුවන් ගමන් දෙකක් සහ මාලදිවයිනේ අගනුවර වන මාලේ හරහා එක් ගුවන් ගමනක් ක්‍රියාත්මක වෙනවා.
