එක්සත් අරාබි එමීර් රාජ්‍යයේ සාර්ථකව 6 වන වරටත් පවත්වනු ලබන සාන්ත ජෝසෆ් හා සාන්ත පීතර විද්‍යාල ආදි ශිෂ්‍යයන්ගේ මහා ක්‍රිකට් ගැටුම පෙබරවාරි 18 වෙනි සෙනසුරාදා උදෑසන අජ්මාන් හි මලෙක් ක්‍රීඩාංගනයේදී පැවැත්වෙනවා. එක්සත් අරාබි එමීර් රාජ්‍යයේ පවත්වනුලැබූ පළමුවෙනිම සහ පැරණිම hard ball තරගාවලිය වන්නේද JOE – PETE මහා ක්‍රිකට් ගැටුම යි.
කාණඩ තුනක් යටතේ පැවැත්වෙන මෙම තරග
- MASTERS – T20 තරගය පෙ.ව. 8.30 ටත්
- කාන්තා ක්‍රිකට් තරගය (ක්‍රීඩකයන්ගේ බිරිඳන්) අතර ප.ව. 12.00 ටත්
- 1st XI – T20 තරගය ප.ව. 1.00 ටත් ආරම්භ වෙනවා
මෙතෙක් පැවති තරග අතරින් 5-0 ලෙස සාන්ත පීතර විද්‍යාලයේ 1st XI කන්ඩායම පලිහ දිනාගෙන ඇති අතර, ප්‍රබල සාන්ත ජෝසෆ් කන්ඩායම මෙවර පලිහ දිනා ගැනීමට තරග වදින අතර, සාන්ත ජෝසෆ් විද්‍යාලය ඔවුන් පසුගිය වසරේ දිනාගත් Masters පලිහ රඳවා ගැනීමට සටන් වැදිමට නියමිතයි
මෙම සහෝදර විද්‍යාල දෙකේ ක්‍රිකට් ක්‍රීඩකයන් අතර පවත්වන සුහද නමුත් තරගකාරී ක්‍රිකට් ගැටුම නරඹන්නට, ඔවුනට සහය වන්නට, ජය ඝෝෂා නගමින් තරගය උණුසුම් කරන්නට ඔබ සැමට මෙයින් ආරාධනා කරනවා. දවස පුරාවට ක්‍රීඩාගනයේදී පැවැත්වෙන මහා ක්‍රිකට් සැණකෙලියේ ආස්වාදය ලබමින් පවුලේ සැම, යහළු යෙහෙලියන් හිතවතුන් සමග සතුටු වන්නට අමතක නොවන අත්දැකීමක් එක්කර ගන්නට මෙය කදිම අවස්ථාවක් වේවි.
