උපදේශන සමාගමක් වන Nomad Capitalist විසින් සම්පාදනය කරන ලද දර්ශකයේ, එක්සත් අරාබි එමීර් රාජ්‍යයේ ගමන් බලපත්‍රය ලොව බලවත්ම ලේඛනය ලෙස නම් කර තිබෙනවා. එමරාති විදේශ ගමන් බලපත්‍රය මේ වසරේ පළමු වරට ලොව පළමු 10 දෙනා අතරට ඇතුළු විය – පසුගිය වසරේ 35 වැනි ස්ථානයේ සිට එක්වරම අංක එකේ ස්ථානයට පැමිණ ඇත.
මෙයට බොහෝ දුරට හේතු වී ඇත්තේ එක්සත් අරාබි එමීර් රාජ්‍යයේ ගමන් බලපත්‍රයක් මගින් ලබා දෙන සංචාරක නිදහස, “රටේ ව්‍යාපාරික හිතකාමී පරිසරය සහ අපේක්ෂා කළ හැකි බදු ක්‍රමය” යන දර්ශකයන්ට අනුව ය.
Nomad Capitalist විසින් ඉදිරිපත් කල, රටවල් 199 ක විදේශ ගමන් බලපත්‍ර සඳහා දර්ශකය ලෝකයේ හොඳම පුරවැසිභාවය පෙන්නුම් කරයි.
මෙම දර් ශකය සාධක පහක් මත විදේශ ගමන් බලපත්‍රය ශ්‍රේණිගත කරයි:
- වීසා රහිත සංචාර: එක්සත් අරාබි එමීර් රාජ්‍යයේ ගමන් බලපත්‍ර හිමියෙකුට, වීසා බලපත්‍රයක් නොමැතිව හෝ සංචාරයේදී වීසා බලපත්‍රයක් ලබාගැනීම මත හෝ විද්‍යුත් ගමන් බලපත්‍රයක් හරහා මුළු ගමනාන්ත 181කට ඇතුළු විය හැකිය.
- පුරවැසියන්ගේ බදුකරණය: දර්ශකයට අනුව, එක්සත් අරාබි එමීර් රාජ්‍යයේ බදු ලකුණු 50 ක් ඇත, එනම් “ශුන්‍ය බදු” යන්නයි.
- පිලිගැන්ම: ලෝක සතුටු වාර්තාව, මානව සංවර්ධන දර්ශකය සහ විවිධ වූ සාධක මත එක් එක් රටේ පුරවැසියන් පිළිගන්නා ආකාරය සහ පිළිගැනීමට ලක්වන ආකාරය තීරණය කරයි.
- ද්විත්ව පුරවැසිභාවය: එක්සත් අරාබි එමීර් රාජ්‍යයේ පුරවැසියන්ට “බොහෝ විට වෙනත් පුරවැසිභාවයන් දැරීමට අවසර ඇත” යන්නයි.
- පුද්ගලික නිදහස: මෙය අනිවාර්ය හමුදා සේවය, රජයේ නිරීක්ෂණ සහ මාධ්‍ය නිදහස පිළිබඳ දත්ත සහ ප්‍රවෘත්ති වාර්තා මත රඳා පවතී.
එමරාති විදේශ ගමන් බලපත්‍ර ශ්‍රේණිගත කිරීම ඉහත සාධක මත පදනම් වී ඇති අතර, “එක්සත් අරාබි එමීර් රාජ්‍යයේ විදේශ ගමන් බලපත්‍ර හිමියාට නිදහසේ සංචාරය කළ හැකි රටවල් ගණන පමණක් ශ්‍රේණිගත කිරීම සඳහා නොසැලකෙන අතර බදු ගෙවීම, නිදහසේ ජීවත් වීම, රෙගුලාසි වලට අනුකූලවීම සහ ගමන් කිරීමේදී පරීක්ෂාවෙන් වැළකීම වැනි විවිධ අවශ්‍යතා සැලකිල්ලට ගනී.
දර් ශකයේ හොඳම ගුවන් ගමන් බලපත්‍ර 10 වන්නේ:
- UAE
- ලක්සම්බර්ග්
- ස්විට්සර්ලන්තය
- අයර්ලන්තය
- පෘතුගාලය
- ජර්මනිය
- චෙක් ජනරජය
- නවසීලන්තය
- ස්වීඩනය
- ෆින්ලන්තය යි
මෑතදී සිදුවූ ගෝලීය සිදුවීම් හේතුවෙන් බොහෝ විදේශ ගමන් බලපත්‍ර සඳහා වීසා රහිත ගමන් අඩු වී ඇත. මෙම ලකුණු උච්චාවචනය වන විට බහු පුරවැසිභාවය පැවතීමේ වටිනාකම වඩාත් වැදගත් වේ.
