Author: kumudika
ප්‍රාදේශීය ලේකම් කොට්ඨාස අතර ඌරන් ප්‍රවාහනය නවතා දැමූ බව සත්ව නිෂ්පාදන හා සෞඛ්‍ය දෙපාර්තමේන්තුවේ අධ්‍යක්ෂ ජෙනරාල් වෛද්‍ය හේමාලි කොතලාවල මහත්මිය පැවසුවාය. ශ්‍රී ලංකාවේ ගොවිපොළවල් කිහිපයකින් අප්‍රිකානු සූකර උණ රෝගී තත්ත්වයන් වාර්තා වීම හේතුවෙන් මෙම පියවර ගෙන ඇත.එම රෝග තත්ත්වය ශ්‍රී ලංකාවෙන් වාර්තා වූ ප්‍රථම අවස්ථාව මෙය බව ඇය පැවසුවාය. ඊට අදාළ ගැසට් නිවේදනය ද නිකුත් කිරීමට පියවර ගෙන තිබේ.උතුරු පළාත හැර අනෙකුත් සියලුම පළාත්වලින් වාර්තා වුණු වෛරස් රෝගයක් හේතුවෙන් ඌරන් දහසකට ආසන්න සංඛ්‍යාවක් පසුගිය දිනවල මිය ගොස් තිබේ. එම නිසා රෝගය වැළඳී නැති සතුන්ට එන්නත් ලබාදීම සිදු කරන බව එහිදී සඳහන් කළාය. වෛරස් රෝගය වැළඳී මිය ගිය ඌරන්ගේ මස් ආහාරයට…
ඉරානය හා ඉරානයේ සහය ලැබෙන හෙස්බුල්ලා ඇතුළු කණ්ඩායම් වෙතින් දිගින් දිගටම එල්ල වන ප්‍රහාරවලට ප්‍රතිචාර ලෙස ඉරානයට ගුවන් ප්‍රහාර එල්ල කළ බව ඊශ්‍රායලය නිවේදනය කර ඇතැයි විදෙස් මාධ්‍ය වාර්තා කළේය. ඉරානයට ප්‍රහාරයක් එල්ල කිරීම සම්බන්ධව ඊශ්‍රායලය ප්‍රසිද්ධියේ පිළිගත් පළමු අවස්ථාව මෙය බව සඳහන් වේ. ඊශ්‍රායලය ප්‍රතිචාර දැක්වූයේ පසුගිය පළමු වෙනිදා ඉරාන හමුදාව ටෙල් අවීව් නුවරට එල්ල කළ මිසයිල ප්‍රහාරයට බවත්, ඉදිරියේදී යළි ඉරානයෙන් ප්‍රහාරයක් එල්ල වුවහොත් ප්‍රතිචාර මීට වඩා දරුණු වනු ඇතැයි ද ඊශ්‍රායලය අනතුරු ඇඟවූ බව විදෙස් මාධ්‍ය වැඩිදුරටත් වාර්තා කළේය. ඉරානයේ ටෙහෙරාන් අගනුවර සහ ඉල්හාම්, කුසස්තාන් නගරවල පිහිටි හමුදා කඳවුරු 20ක් ඉලක්ක කරමින් පසුගිය සෙනසුරාදා එම ගුවන් ප්‍රහාරය…
එක්සත් අරාබි එමීර් රාජ්‍යය එක්සත් ජනපද ප්‍රවෘත්ති ලෝක වාර්තාවේ (US News Ranking) නවතම ශ්‍රේණිගත කිරීම්වලට අනුව රටවල් 89 ක් අතර ආර්ථික ස්ථාවරත්වයේ ප්‍රමුඛ ස්ථානය ලබා ගෙන ඇත. මෙම පිළිගැනීම එමීර් රාජ්‍යයේ ශක්තිමත් ආර්ථික ප්‍රතිපත්ති සහ විනිවිදභාවයෙන් යුත් පාලනය ඉස්මතු කරයි. ජර්මනිය, කැනඩාව සහ ජපානය වැනි දිගුකාලීන ආර්ථික බලවතුන්ට වඩා එමීර් රාජ්‍ය ඉදිරියෙන් සිටීම කැපී පෙනේ. ජාතියේ ආර්ථික සාර්ථකත්වයට හේතු වන්නේ එහි අඩු නිෂ්පාදන පිරිවැය, ආකර්ශනීය බදු ප්‍රතිපත්ති, විධිමත් නියාමන ක්‍රියාවලීන් සහ සාමූහිකව හිතකර ව්‍යාපාරික පරිසරයක් පෝෂණය කරන දූෂණයෙන් තොර වීමයි. නියෝජ්‍ය අග්‍රාමාත්‍ය සහ අභ්‍යන්තර කටයුතු අමාත්‍ය ලුතිනන් ජෙනරාල් ෂෙයික් සයිෆ් බින් සයිඩ් අල් නහියන් මහතා සමාජ මාධ්‍ය ඔස්සේ ජයග්‍රහණය සැමරූ…
අද සිට (27) උෂ්ණත්වය ක්‍රමයෙන් අඩු වන අතර වර්ෂාපතනය ඇති වීමේ හැකියාව ඇත. ඔක්තෝබර් 28 සඳුදාඋදය කාලයේදී අභ්‍යන්තර ප්‍රදේශ වල ආර්ද්‍රතාවය ඇති විය හැකි අතර උතුරේ සංවහන වලාකුළු ඇති වේ. සුළං වයඹ දෙසින් පවතිනු ඇති අතර මුහුද හරහා පැයට කිලෝමීටර 50 දක්වා වේගයක් සහිතව හමා යනු ඇත. ඇතැම් ප්‍රදේශවල වැලි සහ දූවිලි සහිත සුලං අපේක්ෂා කෙරේ. අරාබි ගල්ෆ් ප්‍රදේශයේ රළු මුහුද පවතිනු ඇති අතර ඕමාන් මුහුද මධ්‍යස්ථව පවතී. ඔක්තෝබර් 29, අඟහරුවාදාඋදෑසන ආර්ද්‍රතාවය වෙරළබඩ සහ අභ්‍යන්තර ප්‍රදේශවලට බලපාන අතර අර්ධ වශයෙන් වළාකුළු සහිත අහසක් දැකිය හැකි වේ. සුළඟ වයඹ දෙසින් පැයට කිලෝමීටර 45 දක්වා වේගයෙන් හමා යනු ඇත. අරාබි ගල්ෆ් කලාපය…
ඉරාන පාලන තන්ත්‍රයෙන් මාස ගණනාවක් තිස්සේ එල්ල වූ අඛණ්ඩ ප්‍රහාරවලට ප්‍රතිචාරයක් ලෙස තමන් ඉරානයේ හමුදා ඉලක්ක වෙත නිශ්චිත ප්‍රහාර සිදුකරන බව පවසමින් ඊශ්‍රායලය ඉරානයට ප්‍රහාර එල්ල කිරීම ආරම්භ කර තිබේ. ඉරාන අගනුවරට බටහිර සහ නිරිත දෙසින් පිහිටි ඇතැම් හමුදා කඳවුරු ඉලක්ක කර ගනිමින් පසුගිය ඔක්තෝබර් 01 වැනිදා ඊශ්‍රායලය ප්‍රහාර එල්ල කර ඇති බව ඉරාන විප්ලවීය ආරක්ෂක බලකාය පවසයි. මෙම ඊශ්‍රායල ප්‍රහාර මධ්‍යයේ ඉරානය සිය ගුවන් කලාපය වසා දමා ඇති බව රොයිටර්ස් පුවත් සේවය වාර්තා කරන අතර නැවත දැනුම් දෙන තුරු සියලු ගුවන් ගමන් අවලංගු කළ බව ඉරානයේ සිවිල් ගුවන් සේවා සංවිධානයේ ප්‍රකාශකයෙක් පවසා ඇති බව සඳහන් කෙරේ. කලාපයේ සිදුවෙමින් පවතින…
ඊශ්‍රායලයේ ශ්‍රී ලංකා තානාපති නිමල් බණ්ඩාර මහතා එරට වෙසෙන ශ්‍රී ලාංකිකයින්ට දැනුම් දී ඇත්තේ ගමන් බිමන් අවම කර රැකියා ස්ථානයේ ඉතා අවධානයෙන් සිටින ලෙසයි. තානාපතිවරයා පැවසුවේ ඊශ්‍රායල් ගුවන් හමුදා යානා, ඉරානයේ තෝරාගත් ස්ථාන කීපයක් වෙත මිසයිල ප්‍රහාර එල්ල කිරීමත් සමගම මැදපෙරදිග කලාපයේ යළිත් නොසන්සුන් තත්ත්වයක් මතුව ඇති බවය. තත්ත්වය ඉදිරියේ දී වර්ධනය වන බව නිරීක්ෂණය වන බැවින් ඊශ්‍රායලයේ සිටින ශ්‍රී ලාංකිකයන් එල්ල විය හැකි ඩ්‍රෝන හා මිසයිල ප්‍රහාර පිලිබඳව අවධානයෙන් සිටින ලෙස තානාපතිවරයා දැනුම් දී තිබේ. තානාපතිවරයා තවදුරටත් සඳහන් කර ඇත්තේ මේ හේතුවෙන් ඉරාන , ඉරාක, ලෙබනන්, සිරියා හා ඊශ්‍රායිල් ගුවන් සීමාවල ගුවන්යානා ගමන් නොකරන තත්ත්වයක් පවතින බවයි.
ඇල්පිටිය ප්‍රාදේශීය සභා ඡන්ද විමසීමේ අවසන් ප්‍රතිඵලය අනුව ජාතික ජන බලවේගය පක්ෂය ජයග්‍රහණය කර තිබේ. ඒ අනුව සමස්ත ඡන්ද සංඛ්‍යාවෙන් ඡන්ද 17,295ක් ලබාගැනීමට ජාතික ජන බලවේගයට හැකි විය.එහිදී එක් එක් පක්ෂ ලබාගත් ඡන්ද සහ මන්ත්‍රී ධුර සංඛ්‍යාව මෙසේය. ජාතික ජන බලවේගය ලබා ගත් ඡන්ද සංඛ්‍යාව 17,295 – හිමිකරගත් මන්ත්‍රී සංඛ්‍යාව – 15 සමගි ජන බලවේගය ලබා ගත් ඡන්ද සංඛ්‍යාව 7,924 – හිමිකරගත් මන්ත්‍රී සංඛ්‍යාව – 6 ශ්‍රී ලංකා පොදුජන පෙරමුණ ලබා ගත් ඡන්ද සංඛ්‍යාව 3,597 ඡන්ද සංඛ්‍යාව – හිමිකරගත් මන්ත්‍රී සංඛ්‍යාව – 3 පොදුජන එක්සත් පෙරමුණ ලබා ගත් ඡන්ද සංඛ්‍යාව 2,612 – හිමිකරගත් මන්ත්‍රී සංඛ්‍යාව – 2 ස්වාධීන කණ්ඩායම ලබා ගත් ඡන්ද සංඛ්‍යාව 2,568…
ශ්‍රී ලංකා මහ බැංකුව විසින් හෙට දිනයේ (28) මහ බැංකු බැඳුම්කර නිකුතුවක් පවත්වයි. ඒ අනුව රුපියල් බිලියන තිස් දෙකයි දශම පහක මුදලක් එමඟින් සම්පාදනය කරගැනීමට අපේක්ෂා කෙරේ. වසර හතර සිට වසර දහය දක්වා කාලයකදී කල්පිරෙන ලෙස මෙම බැඳුම්කර නිකුතුව සිදු කරනු ඇත.
ශ්‍රී ලංකාව සහ ජාත්‍යන්තර මුල්‍ය අරමුදල අතර තුන්වන සමාලෝචනය කල් යනු ඇති බව මහ බැංකු අධිපති නන්දලාල් වීරසිංහ මහතා උපුටමින් විදෙස් මාධ්‍ය පවසයි. එම සමාලෝචනය සිදුවන්නේ මෙම වසර අවසන් වීමට පෙරද යන්න හෝ ඒ සම්බන්ධයෙන් කාලසටහනක් අදහස් පලකර නැති බවද රොයිටර් සේවය වාර්තා කර ඇත. ඇමරිකාවේදී මහ බැංකු අධිපතිවරයා මේ බව සදහන් කර තිබේ. විදේශ ණය හිමියන් අතර තවදුරටත් සාකච්ඡා කරමින් පවතින බවත් නන්දලාල් වීරසිංහ මහතා සඳහන් කර ඇත. එහිදී බැඳුම්කර හිමියන් සමඟ යම් එකඟතාවයන් ඇති කර ගැනීමට කටයුතු කර ඇතැයි ද ඔහු පවසා තිබේ. තුන්වන සමාලෝචනය සඳහා දිනයක් නියම කිරීම සඳහා ශ්‍රී ලංකාවේ ආර්ථික කණ්ඩායම සමඟ දිගින් දිගටම කටයුතු…
අගමැති ධුරයට පත් වූ පසු තම ජීවිතය එතරම්ම සරල නැතැයි අග්‍රාමාත්‍ය හරිනි අමරසූරිය මෙනවිය සඳහන් කරයි. පහසුවෙන් ගමන් බිමන් යාම සඳහා තමන්ට හැකියාවක් දැන් නොමැති බවද ඇය සඳහන් කළාය.තමන්ගේ ආරක්ෂක පිරිවර අඩු කිරීම සම්බන්ධයෙන් ආරක්ෂක අංශ සමග සාකච්ඡාවක් කළ අවස්ථාවේ ඔවුන් ඊට වෙනස් මතයක් දැරු බවත් ඇය පැවසුවාය. ශ්‍රී ලංකාව තවම ස්විට්සර්ලන්තය, නෝර්වේ හෝ ස්වීඩනය වැනි රටක් නොවන බව ඔවුන් පැවසූ බව ඇය සදහන් කලාය.කොළඹදී පැවති උත්සව අවස්ථාවක් අමතමින් ඇය මෙම අදහස් පළ කර ඇත.