Author: Stanly Kularathna
කාලගුණ විද්‍යා ජාතික මධ්‍යස්ථානය (NCM) රටට බලපානු ඇතැයි අපේක්ෂා කරන කාලගුණ අනාවැකියක් ප්‍රකාශයට පත් කොට තිබෙනවා. එම අනාවැකියට අනුව ඔවුන් පවසන්නේ, සෙනසුරාදා සිට බදාදා දක්වා, බටහිරින් හමන සුළං ප්‍රවාහයක් සහ නැඟෙනහිර දෙසින් හමන සුළං ප්‍රවාහයක් මගින් ඉහළ වායුන්හි අඩු පීඩන තත්වයක් ගොඩ නැගීමත් සමග ඉදිරි දිනවලදී එක්සත් අරාබි එමීර් රාජ්‍යයේ සමහර ප්‍රදේශවලට තද වැසි අපේක්ෂා කරන බවත් වර්ෂාවත් සමගම සිසිල් උෂ්ණත්වයක් සහ රළු මුහුදක් ඇතිවිය හැකි බවත්ය. මෙහිදී තෙත් සහ සීතල වායු ස්කන්ධයක් සමඟ සම්බන්ධ වනු ඇති අතර, විශේෂයෙන් නැගෙනහිර සහ උතුරේ විසිරුණු ප්‍රදේශ හරහා ඇතැම් සංවහන වලාකුළු සමඟ බටහිරින් වලාකුළු ගලා යාමත් සමඟ එක්සත් අරාබි එමීර් රාජ්‍යයේ සීමිත ප්‍රදේශවලට…
වර්ෂා සහිත කාලගුණය තුළ අල් රුවයි ප්‍රදේශයෙහි අනතුරුදායක ලෙස වික්‍රමාන්විත ක්‍රියාවල නිරත වෙමින් මාර්ගයේ අවුල් සහගත තත්ත්වයන් ඇති කල රියදුරන්ට අයත් මෝටර් රථ 19 ක් සහ යතුරුපැදි 5 ක් ඩුබායි පොලිසිය විසින් අත්අඩංගුවට ගෙන රාජසන්තක කොට ඇත. පසුගියදා බලධාරීන් විසින් සමාජමාධ්‍ය වල බෙදාගත් වීඩියෝවක, නවීකරණය කරන ලද වාහන වර්ෂාව ඇද හැලෙන මොහොතේ, මාර්ගය පුරා යමින්, කැරකෙමින් සහ පෙළපාලි යමින් මාර්ගයේ අවුල්සහගත තත්වයක් ගොඩනගමින් කටයුතු කරන අයුරු දැකගත හැකි විය. එම වාහන වල ගමන්ගත් සමහර මගීන් පිකප් ට්‍රක් රථ මත අනතුරුදායක ලෙස සිටගෙන හෝ වේගයෙන් යන මෝටර් රථවල ජනේලවලින් ශරීරයෙන් අඩක් එළියට එන ලෙස සිටිමින් ධාවනය කරනු දක්නට ලැබුණි. විශේෂයෙන් අස්ථායී…
එක්සත් අරාබි එමීර් රාජ්‍යයේ, විශේෂයෙන්ම ඩුබායි, බොහෝ අයගේ මංගල උත්සව සඳහා සැමවිටම සිහින ගමනාන්තයක් වී තිබෙනවා. එක්සත් අරාබි එමීර් රාජ්‍යයේ සිදු වන මුස්ලිම් නොවන විවාහ සංඛ්‍යාව සෑම වසරකම වැඩි වෙමින් පවතිනවා. දැන්, එක්සත් අරාබි එමීර් රාජ්‍යයේ අලුතින් විවාහ වීමට බලාපොරොත්තු වන්නන් සඳහා මෙම ක්‍රියාවලිය වඩාත් පහසු කොට ඇති බැවින් මෙම සංඛ්‍යාව ඉහළ යනු ඇතැයි අපට අපේක්ෂා කළ හැකිය. GITEX 2023 තාක්ෂණ ප්‍රදර්ශනයේදී නව යෙදුමක් එළිදක්වන ලද අතර එය ඉක්මනින් විවාහ වීමට බලාපොරොත්තුවෙන් සිටින්නන් සඳහා වීඩියෝ සම්මන්ත්‍රණ මෘදුකාංග හරහා නිල මංගල ලේඛන අත්සන් කිරීමට ඉඩ සලසයි. මෙම නව මුලපිරීම ඔබ වෙත ගෙන එන්නේ අබුඩාබි අධිකරණ දෙපාර්තමේන්තුව (ADJD) විසිනි. ඔන්ලයින් විවාහ වීමේ…
Burj Khalifa අලුත් අවුරුදු ගිනිකෙළි සංදර්ශනය ලොව පුරා සැමරුම්කරුවන් දහස් ගණනක් ආකර්ෂණය කර ගන්නා සංදර්ශනයකි. ඩුබායි දැනටමත් අලුත් අවුරුදු උදාව සඳහා සූදානම් වීම ආරම්භ කර ඇති අතර, ඔබට සුවිශේෂී Burj Khalifa ගිනිකෙළි සඳහා අද්විතීය ස්ථානයක් ලබා ගැනීමට අවශ්‍ය නම්, ඔබට මෙවර ප්‍රවේශපත්‍ර මිලදී ගැනීමට සිදුවේ. Emaar Properties ට අනුව, ඔබට දැන් කල්තියා ආසනයක් වෙන්කරවා ගැනීමෙන් කරදර නොවී අලුත් අවුරුදු ගිනිකෙළි සහ උත්සව භුක්ති විඳිය හැකිය. Burj Khalifa පාමුල, Burj Lake සහ Dubai Fountain අසල පිහිටා ඇති Burj Park ගෙවන ප්‍රදේශය නැරඹුම් ස්ථානයවේ. නව අවුරුදු සැමරුම් සඳහා එහි නිල වෙබ් අඩවිය වන mydubainewyear.emaar.com හි Emaar හි ප්‍රකාශයට අනුව ප්‍රවේශපත්‍ර දරන්නන්ට ප්‍රදේශයේ…
ඇෆ්ඝනිස්ථානය සහ නෙදර්ලන්තය අතර ලක්නව් නුවර එකානා ක්‍රීඩංගණයේදී ඊයේ පැවැති එක්දින ලෝක කුසලාන තරගයෙන් කඩුලු 7 ක පහසු ජයක් ලැබූ ඇෆ්ගනිස්ථානය, ප්‍රසාද ලකුණු සටහනේ 5 ස්ථානය දක්වා ඉහළට පැමිණීමට සමත් විය. මෙවර තරගාවලියේදී ඇෆ්ඝනිස්ථානය ලැබූ සිවුවැනි ජය මෙය වන අතර ඔවුන් ලකුණු සටහනේ ඉදිරියට පැමිණියේ පාකිස්ථානය පසුපසට ඇද දමමිනි. ජයග්‍රහණය සඳහා ලකුණු 180 ක ඉලක්කයක් හඹාගිය ඇෆ්ඝනිස්ථානුවෝ, ඕවර 31.3 ක් අවසානයේ කඩුලු 3 ක් පමණක් දැවී ඉලක්කය සපුරාගත්හ. එහිදී නායකත්වයේ පිතිහරඹයක නිරත වූ හෂ්මතුල්ලා ඔමර්සායි පන්දු 64 කදී හතරේ පහර 6 ක් සමග නොදැවී ලකුණු 56 ක් රැස්කරමින් සිය කණ්ඩායමේ ජයග්‍රහණය තහවුරු කළේය. රාමට් ෂා (52) සමග එක්ව තෙවැනි කඩුල්ල…
වසරේ මුල් කාර්තු තුන තුළ එක්සත් අරාබි එමීර් රාජ්‍යයේ සයිබර් ප්‍රහාර මිලියන 71කට වඩා වැඩි ප්‍රමාණයක් අවහිර කර ඇති බව සයිබර් ආරක්ෂණ කවුන්සිලයේ ප්‍රධානියා පැවසීය. බලධාරීන් විසින් ප්‍රහාරයන් සාර්ථක ලෙස වළක්වා ගත්තද, ආචාර්ය මොහොමඩ් අල් කුවේටි, හැකර්වරුන්ට එරෙහිව සුපරීක්ෂාකාරීව සිටින ලෙස සංවිධානවලින් ඉල්ලා සිටියේය. තම පද්ධති, දුරකථන සහ දත්ත හැක් වීමෙන් ආරක්ෂා කර ගැනීමට පියවර ගන්නා ලෙස ඔහු මහජනතාවගෙන් සහ පෞද්ගලික අංශයෙන් ඉල්ලා සිටියේය. අපරාධකරුවන්ගෙන් දත්ත සුරක්ෂිතව තබා ගැනීමට අවශ්‍ය පියවරයන් ආරක්ෂණ විශේෂඥයන් ඉදිරිපත් කොට තිබෙනවා. “එක්සත් අරාබි එමීර් රාජ්‍යය 2023 පළමු කාර්තු තුන තුළ මිලියන 71 කට වඩා වැඩි සයිබර් ප්‍රහාර වලක්වා ඇත,” ආචාර්ය අල් කුවේටි පැවසීය.“සයිබර් ආරක්ෂණ පද්ධතියක්…
දේශප්‍රේමයේ සහ එකමුතුකමේ වාර්ෂික සම්ප්‍රදායක් සනිටුහන් කරමින් නොවැම්බර් 3 වන දින එක්සත් අරාබි එමීර් රාජ්‍යයේ ධජ දිනය සමරමින් ජනාධිපති අතිගරු ෂෙයික් මොහොමඩ් බින් සයීඩ් අල් නයාන් විසින් එක්සත් අරාබි එමීර් රාජ්‍යයේ ධජය ඔසවන ලදී. ධජ දිනය සැමරීම සඳහා ජාත්‍යන්තර අභ්‍යවකාශ මධ්‍යස්ථානයේ (ISS) මාස හයක මෙහෙයුමක් සම්පූර්ණ කළ පළමු අරාබි ගගනගාමියා වන ගගනගාමී සුල්තාන් අල් නෙයාඩිද සහභාගී වූවා. උත්සවයෙන් පසුව, ෂෙයික් මොහොමඩ් X වෙත සිය හැඟීම් ප්‍රකාශ කළේය, “ධජ දිනයේදී, ජාතියේ අභිමානය සහ පක්ෂපාතිත්වය සංකේතවත් කරන එක්සත් අරාබි එමීර් රාජ්‍යයේ ධජය එසවීමට අපි එකමුතුව සිටිමු. මෙම අවස්ථාව සනිටුහන් කිරීමට අපි එකට එකතු වන විට, සැමට දීප්තිමත් අනාගතයක් නිර්මාණය කිරීමට ඊළඟ පරම්පරාවට…
මෙවර ආසියානු කුසලාන අවසන් මහ තරගයේ අමිහිරි මතකය ශ්‍රී ලංකාවට යළිත් සිහිපත් කළ ඉන්දියානුවෝ, මුම්බායි නුවර වන්කඩේ ක්‍රීඩාංගණයේදී ඊයේ පැවැති ලෝක කුසලාන ක්‍රිකට් තරගයෙන් ලකුණු 302 ක දැවැන්ත ජයක් ලබමින් කල්තියාම තරගාවලියේ අවසන් පූර්ව වටයේ ස්ථානයක් වෙන්කරවා ගත්හ. එය එක්දින ලෝක කුසලාන තරගයකදී ශ්‍රී ලංකා කණ්ඩායමක් ලැබූ දරුණුම පරාජය ලෙසද වාර්තා අතරටද එක් විය. ජයග්‍රහණය සඳහා ලකුණු 358 ක ඉලක්කයක් හඹාගිය ශ්‍රී ලංකා කණ්ඩායම ඕවර 19.4 ක් අවසානයේ ලකුණු 55 කට සීමාකිරීමට ඉන්දීය පන්දු යවන්නෝ සමත් වූ අතර එය එක්දින ජාත්‍යන්තර ක්‍රිකට් තරගයකදී ශ්‍රී ලංකා කණ්ඩායමක් දැවී ගිය තෙවැනි අඩුම ලකුණු සංඛ්‍යාව සම කිරීමක් ලෙසද සටහන් විය. මින් පෙර ශ්‍රී…
යුධමය වාතාවරනය යටතේ වෛද්‍ය ප්‍රතිකාර අවශ්‍ය පලස්තීන දරුවන් 1,000කට, ඔවුන්ගේ පවුල් කැටුව එක්සත් අරාබි එමීර් රාජ්‍යයේ රෝහල්වල වෛද්‍ය ප්‍රතිකාර ලබාදීමට එක්සත් අරාබි එමීර් රාජ්‍යයේ ජනාධිපති අතිගරු ෂෙයික් මොහොමඩ් බින් සයීඩ් අල් නයාන් උපදෙස් දී තිබේ. මෙය පැමිණෙන්නේ ලොව පුරා අවශ්‍යතා ඇති අයට උපකාර කිරීමට එක්සත් අරාබි එමීර් රාජ්‍යයේ කල්පවත්නා උත්සාහයේ කොටසක් ලෙස ය. විදේශ කටයුතු අමාත්‍ය අතිගරු ෂෙයික් අබ්දුල්ලා බින් සයිඩ් අල් නයාන් සහ ජාත්‍යන්තර රතු කුරුස කමිටුවේ (ICRC) සභාපති Mirjana Spoljaric අතර පැවති දුරකථන සංවාදයෙන් පසුව මෙම නිවේදනය නිකුත් විය. ගාසා තීරයේ ළමයින්ට සත්කාරකත්වය ලබා දීම සහ ඔවුන් ආරක්ෂිතව ආපසු නිවෙස් වෙත යාමට පෙර ඔවුන්ට වෛද්‍ය ප්‍රතිකාර ලබා දීමේ…
ව්‍යවසායකත්ව අවස්ථා, ප්‍රාග්ධනයට පහසු ප්‍රවේශය, පුහුණු ශ්‍රම බලකාය ලබා ගැනීමේ හැකියාව, අනුවර්තනය වීමේ කඩිසර බව, තරගකාරිත්වය සහ ශක්තිමත් වෙළෙඳාම ආදී කරුණු මත UAE, ආර්ථික වශයෙන් ලෝකයේ දෙවන ස්ථාවරම රට ලෙස ශ්‍රේණිගත කර ඇති බව නව අධ්‍යයනයකින් හෙළි වී තිබේ. එක්සත් ජනපද ප්‍රවෘත්ති සහ ලෝක වාර්තා වලට අනුව, UAEහි ඒක පුද්ගල දළ දේශීය නිෂ්පාදිතය බටහිර යුරෝපීය රටවල මෙන්ම අරාබි ලෝකයේ වඩාත්ම තරගකාරී ආර්ථිකයන්ට සමගාමීව ඉදිරියෙන් සිටී. එක්සත් අරාබි එමීර් රාජ්‍යයේ මුළු දළ දේශීය නිෂ්පාදිතය ඩොලර් බිලියන 508ක් (ඩිරාම් ට්‍රිලියන 1.86) සහ ඒක පුද්ගල ආදායම ඩොලර් 87,729 කි. ගල්ෆ් සහයෝගිතා කවුන්සිල (GCC) කලාපයේ දෙවන විශාලතම ආර්ථිකය ලෙස 2030 වන විට නව ආර්ථික…