Author: kumudika
සංචාරක කර්මාන්තය ප්‍රවර්ධනය හා දුරගමන් සේවා වෙනුවෙන් නව දුම්රිය කිහිපයක් ධාවනයට එක්කිරීමට දුම්රිය දෙපාර්තමේන්තුව තීරණය කර තිබේ. විශේෂයෙන් උඩරට මාර්ගයේ දුම්රිය ගමන සංචාරකයින් අතර ජනප්‍රිය වීම, දැඩි ආකර්ෂණය සහ පවති අධික ඉල්ලුම හේතුවෙන් මෙම පියවර ගන්නා බව දුම්රිය සාමාන්‍යාධිකාරී ධම්මික ජයසුන්දර මහතා පැවසූ අතර ඇල්ල – ඔඩිසි – කැන්ඩි සහ ඇල්ල ඔඩිසි – නානුඔය ලෙස නව දුම්රිය දෙකක් පෙබරවාරි මාසයේ සිට ධාවනයට එක්කිරීමට නියමිත අතර, ඇල්ල ඕඩිසි – කලම්බු දුම්රියේ අමතර ගමන්වාරයක් ද යෙදවීමට නියමිතය. ඇල්ල – ඕඩිසි – කැන්ඩි දුම්රිය පෙබරවාරි මස 01 වනදින සිට සෑම සති අන්තයකම මහනුවර සහ දෙමෝදර අතර ධාවනයට යෙදවන බව දුම්රිය සාමාන්‍යාධීකාරීවරයා සඳහන් කළ…
ඩුබායි 2025 ජනවාරි 24 සිට පෙබරවාරි 2 දක්වා චීන චන්ද්‍ර අලුත් අවුරුද්දේ දර්ශනීය සැමරුම පැවැත් වේ. නගරය සංස්කෘතික විනෝදාස්වාදය, ආකර්ෂණීය දිනුම් ඇදීම්, සුවිශේෂී සාප්පු සවාරි සහ මල්වෙඩි සංදර්ශනවල සම්මිශ්‍රණයක් ලබා දෙනු ඇත. ජනවාරි 24 සහ 25 යන දිනවල Global Village හි උත්කර්ෂවත් මල්වෙඩි සංදර්ශන සමඟින් සැමරුම් ආරම්භ වන අතර, ජනවාරි 31 සහ පෙබරවාරි 1 යන දිනවලදී අඛණ්ඩව පැවැත්වේ. මෙම විස්මිත සංදර්ශන රාත්‍රී 9.00 ට ඩුබායි අහස ආලෝකමත් කරනු ඇත. මල්වෙඩි වලට අමතරව, ග්ලෝබල් විලේජ් හි අලුතින් දියත් කරන ලද ඩ්‍රැගන් ලේක් ඇතුළු සංස්කෘතික සංදර්ශන, ලේසර් සංදර්ශණ සහ පවුල් හිතකාමී ආකර්ෂණීය ස්ථාන රාශියක් ඇතුළත් වේ. විශේෂ සාප්පු සවාරි දීමනා සහ ආකර්ෂණීය…
ඩුබායි මහ නගර සභාව විසින් රාමසාන් සූක් හි තුන්වන වාරය අද( 25 සෙනසුරාදා) ඩීරා හි ග්‍රෑන්ඩ් සූක් හි පැරණි නගර වීදි චතුරශ්‍රයේදී දියත් කලේය. පෙබරවාරි 22 දක්වා පැවැත්වෙන මෙම උත්සවය ශුද්ධ වූ රාමසාන් මාසය සඳහා සූදානම් වීමේ දී සාම්ප්‍රදායික සිරිත් විරිත් වල සත්‍යතාව ආරක්ෂා කිරීම, ආකර්ශනීය සංචාරක ගමනාන්තයක් ලෙස සාම්ප්‍රදායික වෙළඳපලවල ඓතිහාසික උරුමය ප්‍රවර්ධනය කිරීම සහ ආයෝජකයින්ට ඔවුන්ගේ නිෂ්පාදන ප්‍රදර්ශනය කිරීමට සහ ප්‍රවර්ධනය කිරීමට වේදිකාවක් සපයමින් සහාය වීම අරමුණු කරයි. පුරවැසියන්, පදිංචිකරුවන්, සංචාරකයින් ඇතුළු ප්‍රජාවගේ විවිධ අවශ්‍යතා සපුරාලීම සඳහා නිර්මාණය කර ඇති විවිධ විනෝදාස්වාද, සංචාරක සහ වාණිජ ක්‍රියාකාරකම් වෙළඳපොලේ ඇතුළත් වේ. යෞවනයන්ගේ සහ පවුල්වල සිට උරුමයන් සහ සංස්කෘතික ලෝලීන් දක්වා,…
මෙගාවොට් 484 ක මන්නාරම සුළං බලාගාර ව්‍යාපෘතිය අදානි ග්‍රීන් එනර්ජි එස්එල් ලිමිටඩ් වෙත ප්‍රදානය කිරීමට ගත් තීරණය අවලංගු කිරීමට ශ්රී ලංකා රජය තීරණය කර ඇතැයි පලවන වාර්තා අසත්‍ය යයි එම සමාගම පවසයි. නව රජයක් පත්වීමෙන් පසු එහි ප්‍රමුඛතා පිළිබඳව කටයුතු කිරීම සහ සහ එම රජයේ බලශක්ති ප්‍රතිපත්ති සමඟ ගිවිසුමේ අඩංගු කරුණු සමාලෝචනය කිරීම සාමාන්‍ය ක්‍රියාවක් බවත් එලෙස සමාලෝචනය කිරීමට කටයුතු කිරීම පුනරීන් බලාගාරයේ ගිවිසුම අතිහිටුවීමක් ලෙස පැවසීම අදානි සමාගම ප්‍රතික්ෂේප කරන බව ඔවුන් විසින් කල නිවේදනයේ දැක්වෙයි. ශ්රී ලංකාවේ පුනර්ජනනීය බලශක්තිය සඳහා ආයෝජනයට තව දුරටත් බලාපොරොත්තුවෙන් පසුවන බවට එම නිවේදනයේ සඳහන්ය.
ප්‍රධාන මාර්ගවල සහ මහා මාර්ගවල පැදවීම සඳහා ඩිරාම් 3,000 දක්වා දඩ මුදලක් අවධාරණය කරමින් Ajman පොලිසිය quadbike සහ all-terrain vehicle (ATV) භාවිතා කරන්නන්ට දැඩි අනතුරු ඇඟවීමක් කර ඇත. නවතම ආරක්‍ෂක ව්‍යාපාරය මාර්තු මාසය දක්වා ක්‍රියාත්මක වන අතර, අනතුරු අවම කිරීම සහ මාර්ග ආරක්‍ෂාව ඉහළ නැංවීම අරමුණු කරයි. අජ්මාන් හි යතුරුපැදි උල්ලංඝනය කිරීම් සහ දඩ ලැයිස්තුවවිනෝදාත්මක වාහන අව භාවිතය: Dh3,000 සහ දින 90 රාජසන්තක කිරීමනොසැලකිලිමත් ලෙස රිය පැදවීම: Dh2,000 සහ දින 60 රාජසන්තක කිරීමTailgating : Dh400 දඩයක් සහ කළු ලකුණු හතරක්මාර්ග සංඥා නොසලකා හැරීම: Dh500 දඩයක්පදිකයන්ට ඉඩ නොදීම: Dh500 දඩයක් සහ කළු ලකුණු හයක්රියදුරු බලපත්‍රයක් නොමැතිව යතුරුපැදි පැදවීම:රඳවා තබා ගැනීම සහ…
එක්සත් අරාබි එමීර් රාජ්‍යයේ සති අන්ත කාලගුණය මීදුම සහිත වන අතර, ලබන සතියේ වර්ෂාව අපේක්ෂා කෙරේ. ජාතික කාලගුණ විද්‍යා මධ්‍යස්ථානයට (NCM) අනුව ලබන සතියේ මුල සුළු වර්ෂාපතනයක් ඇති විය හැකි අතර මෙම සති අන්තයේ මීදුම සහිත රාත්‍රී සහ උදෑසන පරිසරයක් අත්විඳීමට සිදු වනු ඇත. වෙරළබඩ සහ අභ්‍යන්තර ප්‍රදේශවල තෙතමනය සහිත වේ. සන්ධ්‍යා කාලයේ මීදුම ඇතිවීමේ අවස්ථාවක් අපේක්ෂා කරන ලෙස කාලගුණ කාර්යාංශය ප්‍රදේශවාසීන්ට උපදෙස් දෙයි. සඳුදා වන විට, උතුරු සහ වෙරළබඩ ප්‍රදේශවල සිහින් වර්ෂාපතනයක් අපේක්ෂා කරන අතර, දිවා කාලයේ දී තත්ත්වය අර්ධ වශයෙන් වළාකුළු සහිත වේ. අඟහරුවාදා ද වැසි අපේක්ෂා කෙරේ. ජනවාරි 25 සෙනසුරාදා රාත්‍රියේදී සහ හිමිදිරි උදෑසන කාලයේදී අභ්‍යන්තර සහ…
ශ්රී ලංකාවේ විදේශ විනිමය සංචිතය 2024 දෙසැම්බර් මාසයේදී පහත වැටීමකට ලක්ව ඇත.2024 නොවැම්බර් මාසයේදී ඇමරිකානු ඩොලර් මිලියන 6451 සිට දෙසැම්බර් මාසයේදී ඇමරිකානු ඩොලර් මිලියන 6091 දක්වා පහත වැටී තිබේ. ඩොලර් මිලියන 360ක ප‍්‍රමාණයක් මෙසේ පහත බැස ඇත.
ඔස්ට්‍රේලියානු ක්‍රිකට් කණ්ඩායම කණ්ඩායම ඊයේ (24) රාත්‍රියේ දිවයිනට පැමිණ තිබේ. වෝන් – මුරලි’ ටෙස්ට් ක්‍රිකට් තරගාවලියට සහභාගිවීම සඳහා මෙම පිරිස පැමිණ ඇත. ලෝක ටෙස්ට් ශූරතාව යටතේ පැවැත්වෙන තරග 2කින් යුත් මෙම තරගාවලියේ සියලුම තරග ගාල්ල ජාත්‍යන්තර ක්‍රිකට් ක්‍රීඩාංගණයේ පැවැත්වීමට නියමිතය. පළමු ටෙස්ට් ක්‍රිකට් තරගය එළැඹෙන 29 වනදා ආරම්භ වනු ඇත. ඔස්ට්‍රේලියානු ක්‍රිකට් කණ්ඩායම ශ්රී ලංකා කණ්ඩායම සමග එක්දින තරග 2කට ක්‍රීඩා කිරීමටද නියමිත අතර, එම තරග පෙබරවාරි 12 සහ 14 දිනවල කොළඹ ආර්. ප්‍රේමදාස ක්‍රීඩාංගණයේ දී පැවැත්වීමටයි කටයුතු යොදා ඇත.
මන්නාරමේ මෙගාවොට් 484 ක ධාරිතාවයකින් යුතු සුළං බලාගාර සංවර්ධනය කිරීමේ ව්‍යාපෘතිය අදානි ග්‍රීන් එනර්ජි ලිමිටඩ් වෙත ප්‍රදානය කිරීමට හිටපු ජනාධිපති රනිල් වික්‍රමසිංහ ගත් තීරණය අවලංගු කිරීමට ජනාධිපති අනුර කුමාර දිසානායකගේ ප්‍රධානත්වයෙන් යුත් කැබිනට් මණ්ඩලය පියවර ගෙන තිබේ. ඒ, දේශීය ලංසුකරුවන් ශත 4.88 ක් වැනි අඩු මිලකට මිල ගණන් ඉදිරිපත් කර තිබූ අවස්ථාවක, කිලෝවොට් පැයකට ඇමරිකානු ශත 8.26 ක් වැනි මිල ප්‍රමාණයකට මෙම ව්‍යාපෘතිය ලබා දීමට ගෙන තිබූ තීරණය ඇතුළුව තවත් හේතු ගණනාවක් මත ඒ සම්බන්ධයෙන් මතභේදාත්මක තත්වයක් පැන නැඟී තිබූ පසුබිමකයි. මෙම ව්‍යාපෘතිය මඟින් මතුවිය හැකි අයහපත් පාරිසරික බලපෑම් මත මෙන්ම මන්නාරම සංක්‍රමණික පක්ෂීන් සඳහා වැදගත් වාසස්ථානයක් වීම යන හේතු මත…
ශ්රී ලංකා විදේශ ගමන් බලපත්‍රය දකුණු ආසියාවේ 4 වැනි ශක්තිමත්ම විදේශ ගමන් බලපත්‍රය යැයි ‘හෙන්ලේ’ විදේශ ගමන් බගපත්‍ර දර්ශකය පවසයි. ශ්රී ලංකා විදේශ ගමන් බලපත්‍රය ගෝලීය වශයෙන් 96 වැනි ස්ථානයට පත්ව ඇති අතරම එය 2023 දී 100 වැනි ස්ථානයේ පසු වූ බවත් එම දර්ශකය සඳහන් කරයි. 2022 දී 102 වැනි ස්ථානයේ සිටි ශ්රී ලංකා විදේශ ගමන් බලපත්‍රය අඛණ්ඩව ප්‍රගතියක් ප්‍රදර්ශනය කරන බව ද ‘හෙන්ලේ’ විදේශ ගමන් බලපත්‍ර දර්ශකය කියයි. ශ්රී ලාංකිකයන්ට ගමනාන්ත 44 කට වීසා රහිතව ගමන් කිරීමේ හැකියව ඇති බවත් කලාපීය සහ ගෝලීය ලැයිස්තුවේ පහළින් ඇෆ්ගනිස්තානය කලාපීය වශයෙන් 8 වන සහ ගෝලීය වශයෙන් 106 වන ස්ථානයට පත්ව ඇති අතර…