Author: kumudika
බදු ගෙවන්නා හඳුනා ගැනීමේ අංකය (TIN) සහ ආදායම් බදු සඳහා පුද්ගලයන් ලියාපදිංචි කිරීමේ වැඩසටහන ක්‍රියාත්මක කිරීමත් සමඟ වසර 2022/2023 ට වඩා වසර 2023/2024 පුද්ගල ආදායම් බදු ලියාපදිංචි ලිපිගොනු සංඛ්‍යාව වැඩි වී තිබේ. වසර 2022/2023 තක්සේරු වර්ෂය සඳහා ආදායම් බදු වාර්තා ඉදිරිපත් කළ සංඛ්‍යාව 333,313ක් විය . එම සංඛ්‍යාව වසර 2023/2024 කාලයේදී 868,009ක් වැඩි වී ඇතැයි දේශීය ආදායම් කොමසාරිස් ජනරාල් සේපාලිකා චන්ද්‍රසේකර මහත්මිය ප්‍රකාශ කළාය. ව්‍යාපාරිකයින්, වෘත්තීයවේදීන්, වත්කම් හිමි කරගත් පුද්ගලයන් වැනි පිරිස් පිළිබඳව වැඩි අවධානයක් යොමු කොට ආදායම් බදු සඳහා ලියාපදිංචිය ඒ අනුව පුළුල් කර ඇතැයි ද ඇය කීවාය. ලියාපදිංචි කරගනු ලැබූ එම පුද්ගලයින් වෙත මාර්ගගත ක්‍රමය ඔස්සේ තම ආදායම්…
ගනුදෙනුකරුවන්ට සහාය වීමට සෑම බැංකුවකම යළිත් ව්‍යාපාර පණ ගැන්වීමේ ඒකක පිහිටුවන ලෙස ශ්රී ලංකා මහ බැංකුව උපදෙස් ලබා දී තිබේ. ව්‍යාපාර යළි පණ ගැන්වීමට අවශ්‍ය මුදල් ප්‍රදානයන් ලබාදීම , ණය පොලිය අඩුකර ගැනීම, ණය ආපසු ගෙවීමේ කාලය දීර්ඝ කර ගැනීම ඇතුළු සේවා රාශියක් මෙම ඒකක හරහා සිදු කරනු ලැබේ. ශ්රී ලංකා මහ බැංකුව සෑම බැංකුවකටම නව ඒකක පිහිටවන්න උපදෙස් ලබාදීමට පෙර ඇතැම් බැංකුවල එම ඒකක ක්‍රියාත්මකව තිබිණි. කලින් පිහිටුවා තිබූ ඒකක වඩාත් කාර්යයක්ෂම සහ සහ මහජන මිත්‍රශීලී සේවාවක් සපයන ඒකක ලෙස වැඩිදියුණු කිරීම නව ක්‍රමවේද යටතේ සිදු කෙරේ. ශ්රී ලංකා මහ බැංකුව අවස්ථා ගණනාවකදී සිය ප්‍රතිපත්ති පොලී අනුපාතික අඩු කොට…
කලාපයේ ඉහළම විනෝදාස්වාද ගමනාන්තය වන Global Village එහි 29 වන වාරය ඊයේ(17) රාත්‍රියේ දර්ශනීය සංදර්ශණයකින් නිල වශයෙන් විවෘත කරන ලදී. “වඩා පුදුම ලෝකයක්” යන වාරයේ තේමාව සඳහා තානය සකසමින් ගේට්ටු හරහා ගමන් කරන විට, අධි ශක්ති බෙර වාදන කණ්ඩායමක් වන AAINJAA විසින් මෙහෙයවන ලද විචිත්‍රවත් පෙළපාලියකට අමුත්තන්ට සංග්‍රහ කරන ලදී. එක්සත් අරාබි එමීර් රාජ්‍යයේ පොහොසත් සංස්කෘතික උරුමය ප්‍රදර්ශනය කරමින් සංස්කෘතික ද්වාරය සහ ලෝක ද්වාරය වෙත අමුත්තන් පිළිගනිමින් “ලයිවා” සහ “හර්බියා” ඇතුළු සම්ප්‍රදායික එමිරාටි ප්‍රසංග මගින් උත්සව වාතාවරණය තවදුරටත් වැඩිදියුණු විය. මෙවර ග්ලෝබල් විලේජ් සඳහා ශ්රී ලංකාවේ සංස්කෘතිය විදහා දක්වන මණ්ඩපයක්ද නිර්මාණය කර තිබීම විශේෂ වේ. මීට අමතරව ඉරාකය, ජෝර්දානය, සහ…
කොළඹ සියළු සාන්තුවරයන්ගේ විදුහලේ ආදි ශිෂ්‍යාවන් විසින් පලමු වරට සංවිධානය කරන නෙට්බෝල් ශූරතාවලිය ඩුබායිහි Al Salam Community School, Al Twar හිදී පැවැත් වේ. පාසලේ 120 වැනි සංවත්සරය වෙනුවෙන් සංවිධානය වන මෙම ඉසව්ව ඔක්තෝබර් 20 වන දා පෙරවරු 8.00 සිට පස්වරු 6.00 දක්වා පවත්වන බව සඳහන්ය. මෙම ඉසව්ව සඳහා නෙට්බෝල් කණ්ඩායම් හයක් තරඟ වදින අතර මේ සඳහා ප්රධාන ආරාධිත අමුත්තා ලෙස ඩුබායි කොන්සල් ජනරාල් ගරු ඇලෙක්සි ගුණසේකර මහතා සහභාගී වේ. තරඟාවලිය සඳහා ප්රධාන මාධ්‍ය අනුග්‍රහයෙන් ඩුබායි ලංකා නිව්ස් එක් වෙයි.
ඩුබායි ගුවන් තොටුපළ ඉක්මනින්ම සංචාරකයින්ට නැවැත්වීමේ හෝ ලේඛන රහිතව ගමන් කිරීමට ඉඩ සලසා දී තිබේ. නේවාසික සහ විදේශ කටයුතු පිළිබඳ සාමාන්‍ය අධ්‍යක්ෂ මණ්ඩලයේ (GDRFA Dubai) ස්මාර්ට් සේවා සඳහා නියෝජ්‍ය සහකාර අධ්‍යක්ෂ ලුතිනන් කර්නල් Khaled bin Madia Al Falasi මහතා සඳහන් කලේ “දේශසීමා රහිතව ගමන් කිරීම” ව්‍යාපෘතිය AI මුහුණු හඳුනාගැනීමේ කැමරා මත රඳා පවතින බවයි. සංචාරකයින් හඳුනාගෙන ඔවුන් ගුවන් තොටුපළ හරහා ගමන් කරන අතරතුර ඔවුන්ගේ ජීවදත්ත තහවුරු කරයි. මෙම පද්ධතිය ඩුබායි ජාත්‍යන්තර ගුවන්තොටුපලේ (DXB) සහ ඩුබායි වර්ල්ඩ් සෙන්ට්‍රල් (DWC) හි ව්‍යාපාරික සහ පළමු පන්තියේ මගීන් සඳහා හඳුන්වා දෙනු ලබන අතර, එය සියලුම සංචාරකයින් වෙත ව්‍යාප්ත කිරීමට සැලසුම් කර ඇත. ලුතිනන් කර්නල්…
සිඩ්නි සිට කොළඹ බලා පියාසර කරමින් තිබූ ශ්රී ලංකන් ගුවන් සේවයට අයත් ගුවන් යානයක නියමු කුටිය අගුලු දැමීමේ සිද්ධියට සම්බන්ධ ගුවන් නියමුවා ඉල්ලා අස්වී ඇති බව වාර්තා වේ. ගුවන් ගමන අතරතුර සහාය නියමුවා වැසිකිළි ගොස් ආපසු පැමිණෙන අවස්ථාවේ නියමු කුටිය අගුළු නොහැරීමේ සිදුවීමක් මත ප්රධාන නියමුවා හා සහායන නියමුවරිය අතර මෙම ආරවුල හටගෙන ඇත. මෙම සිදුවීමෙන් ගුවන් ගමනට බාධාවක් සිදු නොවුවත් මගීන් සහ කාර්ය මණ්ඩලය අතර නොසන්සුන්තා ඇති කර තිබේ.සිද්ධියෙන් පසු ශ්රී ලන්කන් ගුවන් සේවය පරීක්ෂණයක් ආරම්භ කර ඇති අතර නියමුවා හා සහාය නියමුවරිය සේවය අත්හිටුවා ඇත.
බටහිර ඉන්දීය කොදෙව් කණ්ඩායම සමඟ පැවැති විස්සයි විස්ස තරගාවලිය තරග දෙකට එකක් ලෙස ජය ගැනීමට ශ්රී ලංකා කණ්ඩායම ඊයේ (17) සමත් වූහ. ඒ දෙරට අතර පැවැති තෙවන සහ අවසන් තරගය කඩුලු 09කින් ජයගැනීමත් සමඟය.තරගයේ කාසියේ වාසිය දිනා ප්‍රථමයෙන් පන්දුවට පහර දුන් බටහිර ඉන්දීය කොදෙව් කණ්ඩායම නියමිත පන්දුවාර 20 තුළ කඩුලු 08ක් දැවි රැස්කරගත් ලකුණු සංඛ්‍යාව 162 කි. එහිදී නායක රොමෙන් පවෙල් ලකුණු 37ක් ඝඩාක්ෂ් මෝටි ලකුණු 32ක් සහ බ්‍රැන්ඩන් කිංග් ලකුණු 23ක් ලබාගත්තේය.පන්දු යැවීමේදී මහීෂ් තීක්ෂණ සහ වනිඳු හසරංග කඩුලු දෙක බැගින් දවාගැනීමටයි සමත් වූහ. අනතුරුව ලකුණු 163ක ඉලක්කයක් හඹා ගිය ශ්රී ලංකා කණ්ඩායම පන්දුවාර 18ක් තුළ එක් කඩුල්ලක් පමණක්…
හමාස් සංවිධානයේ නායක යාහියා සින්වාර් ගාසා තීරයේදී ඝාතනය කළ බව ඊශ්‍රායලය තහවුරු කර ඇත.ඊශ්‍රායලයේ විදේශ අමාත්‍ය ඊශ්‍රායල් කැට්ස් ඒ බව තහවුරු කළ බව විදෙස් මාධ්‍ය වාර්තා කර තිබේ. හමාස් සංවිධානයේ නායකයාව ඊශ්‍රායල සොල්දාදුවන් විසින් ඝාතනය කරන ලද බව ඔහු පවසා ඇත. ඉකුත් වසරේ ඔක්තෝබර් 7 වන දින ඊශ්‍රායලයට එල්ල වූ හමාස් ප්‍රහාරයේ මහ මොළකරු ලෙස සැළකෙන්නේ ද යාහියා සින්වාර් වේ. ගාසා තීරයට එල්ල වූ ඊශ්‍රායල ප්‍රහාර හමුවේ විනාශ වී ගිය ගොඩනැගිලි සුන්බුන් අතර ඇති සින්වාර් ගේ බවට සැක කෙරෙන මළසිරුරක ඡායාරූප ද ඇතැම් විදෙස් ජනමාධ්‍ය පළකර ඇත.ඒ අසල අවි රැගත් ඊශ්‍රායලය සොල්දාදුවන් සිටින අයුරු ද නිරූපණය වේ. කෙසේ නමුත් ඔහු…
පාර්ලිමේන්තු මැතිවරණයට අදාළව ප්‍රචාරක කටයුතු සඳහා එක් අපේක්ෂකයකුට සහ පක්ෂයකට වියදම් කළ හැකි මුදල මැතිවරණ කොමිසම මඟින් නිකුත් කර තිබේ. ඒ අනුව මහමැතිවරණයට අදාළව ප්‍රචාරක කටයුතු සඳහා කොළඹ දිස්ත්‍රික් අපේක්ෂකයකුට වැය කළ හැකි උපරිම වියදම් සීමාව 57,50,000ක් පමණි. එක් දේශපාලන පක්ෂයකට හෝ ස්වාධීන කණ්ඩායමකට වැය කළ හැකි උපරිම මුදල රුපියල් 79,493,756කි. ජාතික ලැයිස්තු අපේක්ෂකයකු සඳහා වියදම් කළ හැකි වන්නේ රුපියල් 34,698කි. අඩුම වියදම දැරිය හැකි මැතිවරණ කොට්ඨාසය වන්නි මැතිවරණ කොට්ඨාසය වන අතර එහි එක් අපේක්ෂකයකුට දැරිය හැකි මුළු මුදල රුපියල් 1,673,243කි. පක්ෂයකට හෝ ස්වාධීන කණ්ඩායමකට දැරිය හැකි උපරිම පිරිවැය 9,963,964කි. ජාතික ලැයිස්තු අපේක්ෂකයකුට වියදම් කළ හැකි වන්නේ රුපියල් 4327ක් පමණි.…
මධ්‍යම අධිවේගී මාර්ගයේ කඩවත සිට මීරිගම දක්වා කොටසේ වැඩ ඒකාබද්ධ අරමුදලෙන් මුදල් අනුමත වූ සැණින් ආරම්භ කරන බව ප්‍රවාහන ,මහා මාර්ග ,වරාය හා සිවිල් ගුවන් සේවා අමාත්‍යංශයේ ලේකම් කේ.ඩී.එස්.රුවන් චන්ද්‍ර මහතා පැවසීය. අදාළ මාර්ගයේ ඉදිකිරීම් කටයුතු සඳහා ඒකාබද්ධ අරමුදලින් රුපියල් මිලියන 7500 ක මුදලක් ඉල්ලා කැබිනට් පත්‍රිකාවක් ඉදිරිපත් කිරීමට ජනාධිපති අනුර දිසානායක මහතාගේ ප්‍රධානත්වයෙන් ජනාධිපති කාර්යාලයේ පැවැති ප්‍රවාහන හා මහා මාර්ග අමාත්‍යාංශ ප්‍රගති සමාලෝචන රැස්වීමේදී තීරණය කෙරුණු බවද අමාත්‍යංශ ලේකම්වරයා සඳහන් කළේය. අදාළ මුදල් අනුමත වූ සැණින් මාර්ගයේ වැඩ අරඹන ලෙසට කොන්ත්‍රාත්කරුට දැනුම් දෙන බව අමාත්‍යංශ ලේකම්වරයා කීය. මධ්‍යම අධිවෙිගී මාර්ගයේ කඩවත සිට මීරිගම දක්වා කොටසේ වැඩ සියයට 36 ක්…